غذر(این این این)قراقرم بورڈ کا ایک ہی خاندان کو نوازنے کا انوکھا انداز۔غذر کی تحصیل یاسین کے چار امتحانی مراکز میں ایک ہی خاندان کے چار افراد کو تعینات کر لیا گیا ۔سفارشی بنیادوں پر امتحانی ذمہ داریاں سونپے جانے پر امیدواروں اور اساتذہ میں تشویش کی لہر ڈوڑنا شروع ہوگئی۔واضح رہے کہ قراقرم بورڈ نے میٹرک سپلیمنٹری امتحانات کے لئے تحصیل یاسین کے چار امتحانی مراکز میں ایک ہی خاندان کے چار افراد کو امتحانی ذمہ داریاں سونپی گئی۔ایک ہی خاندان کے سفارشی افرادکو امتحانی ذمہ داریاں سونپنے پرامتحانات پر سوالات اٹھنا شروع ہو گئے ہیں یاسین کے طلباء و طالبات سیمت سماجی و عوامی حلقوں نے اپنے تحفظات کا اظہار کرتے ہوئے کہا ہے کہ اگر امتحانات جیسے حساس معملات میں بھی سفارش کو ملحوظ نظر رکھا گیا تو یہ طلباء اور علاقے کے عوام کے ساتھ ایک مذاق ہے اہل علاقہ نے قراقرم بورڈ کے اعلیٰ حکام سے مطالبہ کیا ہے کہ وہ اپنے اس فیصلے پر نظر ثانی کرے اور میرٹ کی بنیاد پر ایماندار اور فرض شناس افراد کو تعینات کرے۔
No comments:
Post a Comment