غذر (این این این)غذر میں محکمہ ہیلتھ کے زیر اہتمام چلنے والی تمام مراکز صحت بنیادی سہولیات سے محروم۔ڈسپنسریوں میں عملہ موجود لیکن ادویات نام کی کوئی چیز موجود نہیں ڈسپنسریاں میں صفائی کا فقدان ایک بیماری میں مبتلا افراد علاج کی غرض سے ڈسپنسریوں میں جانے کے بعد کئی بیماریوں کا شکار ہونے لگے۔عوام غذر نے ڈسپنسریوں کو محکمہ صحت سے اٹھا کر پی پی ایچ ائی کے حوالے کرنے کا مطالبہ کر دیا۔تفصیلات کے مطابق غذر میں محکمہ صحت کے زیر اہتمام چلنے والی بیشتر ڈسپنسریاں بنیادی سہولیات سے مکمل طور پر خالی ہیں مراکز صحت میں ادویات نام کی کوئی چیز موجود نہیں مریض سر درد کی گولی کے لئے بھی در در کی ٹھوکریں کھانے لگے جبکہ ڈسپنسریوں میں غلاظت اور گندگی کی وجہ سے ایک بیماری کے علاج کے لئے جانے والے مریض کئی بیماریوں کا شکار ہو گئے۔اس کے برعکس غذر میں پی پی ایچ ائی کے زیر انتظام چلنے والی ڈسپنسریوں سے عوام کسی حد تک مطمئن ہیں غذر کے عوام نے صوبائی حکومت سے مطالبہ کیا ہے کہ غذر میں محکمہ صحت کے زیر انتظام چلنے والی تمام مراکز صحت کو پی پی ایچ ائی کے حوالے کر دئے جائیں تاکہ عوام کو صحت کی بہتر سہولیات میسر آسکیں
