ہونولولو (مانیٹرنگ ڈیسک) کہتے ہیں جب انسان پر عشق کا بھوت سوار ہو جائے تو وہ کسی کی پرواہ نہیں کرتا یہی کچھ امریکی ٹیچر نے کیاجو اپنے ایک طالب علم کی محبت میں اندھی ہو گئی۔ امریکی ریاست ہوائی کی ہائی سکول ٹیچر کو شرمناک حرکت کرنے پر زبردستی چھٹی پر بھیج دیا گیا ہے۔ 39 سالہ خوبرو ٹیچر نینسی بالو پر الزام تھا کہ اس نے اپنے 17 سالہ طالب علم کو کلاس روم میں ہی ’پکڑ‘ لیااور وہیں وہ سب کچھ کر دیا کہ جس پر سکول انتظامیہ کو شرمندگی اٹھانی پڑی۔ سکول کے دیگر طالب علموں کے مطابق یہ کوئی نئی بات نہیں تھی بلکہ وہ ’دونوں ‘کافی جگہوں پر ملاقاتیں کر چکے ہیں۔ یہاں یہ امر قابل ذکر ہے کہ ریاست ہوائی اور اس کا دارلحکومت ’ہونولولو‘سیاحت کے حوالے سے بہت مشہور ہے اور یہاں کا موسم بھی بہت خوشگوار ہوتا ہے جبکہ ریاست کے قانون کے مطابق خاتون ٹیچر یا طالب علم نے کوئی جرم نہیں کیا ہے۔ ریاست کے قانون کے مطابق 16 سال سے زائد عمر کے لوگ اپنی مرضی سے کچھ بھی کرنے میں آزاد ہیں۔ سکول کی ایک طالبہ کا کہنا تھا کہ یہ ’قصہ‘ تو کافی عرصے سے چل رہاتھا اور اب یہ قصہ بہت مشہور ہوا تو سکول انتظامیہ کو ایکشن لینا یاد آگیا۔ سکول کی پرنسپل کیلسی کوگا کا کہنا ہے کہ انتظامیہ نے کسی کو بھی سکول سے نہیں نکالا۔ ان کا کہنا تھا کہ الزامات ضرور لگے ہیں لیکن ابھی ان پر تحقیقات جاری ہیں اور کچھ بھی کہنا قبل از وقت ہے۔ سکول ٹیچر نینسی بالو کے بارے میں معلوم ہوا ہے کہ انہوں نے 1993ءمیں اسی سکول سے گریجوایشن کی تھی اور گزشتہ 11 سال سے سکول میں پڑھا رہی ہیںاور طالب علموں میں اپنی خوبصورتی کی وجہ سے کافی مقبول ہیں۔
