غذر؛ ڈسٹرکٹ جیل میں قیدیوں کے لیے ووکیشنل سنٹر کا افتتاح کر دیا گیا

غذر (این این این) گلگت بلتستان میں پہلی بار ڈسٹرکٹ جیل گاہکوچ میں قیدیوں کے لئے ووکیشنل سنٹر کا آغاز کر دیا گیا۔ڈپٹی کمشنر غذر رائے منظور حسین نے جیل کے اندر ووکیشنل سنٹر کا افتتاح کیا۔اس موقع پر ڈپٹی کمشنر غذر نے کہا کہ جیل عملے کی کوششوں سے اس کا م کا آٖغاز کیا گیا ہے اس نیک کام کی کامیابی کے لئے دعا گو ہوں۔انہوں نے کہا کہ جو قیدی یہاں سے کام سیکھ جائیں گے ان کے لئے ہم جیل کے اندر روز گار کا بندوبست کر ینگے۔اور ان کی کل کمائی کا نصف حصہ قیدیوں کو دی جائے گی تاکہ یہ افراد اپنے خاندان والوں کی جیل کے اندر رہتے ہوئے مالی مدد کر سکے۔اس موقع پر اسسٹنٹ سپرنٹنڈنٹ جیل ارشاد احمد احمد نے ڈی سی کو فریفنگ دیتے ہوئے کہا کہ ٹریننگ کا دورانیہ تین مہینوں پر محیط ہو گا اور تین مہینے کے اندر قیدی اپنے پاؤں پر کھڑے ہو جاینگے۔انہوں نے کہا کہ ووکیشنل ٹریننگ کے علاوہ جیل میں قیدیوں کے لئے تعلیمی سیشن کے حوالے سے بھی اقدامات کئے جارہے ہیں انہوں نے ڈپٹی کمشنر غذر کا ذاتی دلچسپی لینے پر قیدیوں اور جیل عملہ کی طرف سے شکریہ ادا کیا۔