غذر(فیروز خان) ڈی سی غذر کے واضح احکامات کے باوجود گاہکوچ ریسٹ ہاؤس سے سرکاری ملازمین کا قبضہ ختم نہیں ہو سکا۔بیشتر سرکاری ملازمین نے ریسٹ ہاؤس کو ذاتی رہائش کے طور پر استعمال کرنا شروع کر دیا۔جبکہ پی ڈبلیو ڈی کے بعض اہلکاروں نے ریسٹ ہاؤس کودفتر بنانا بھی شروع کر دیا۔دیگر اضلاع سے آنے والے مہمان رہائش کے لئے دربدر کی ٹھوکریں کھانے لگے۔واضح رہے کہ گاہکوچ ریسٹ ہاؤس کو پی ڈبلیوڈی کے بعض اہلکاروں سیمت چند سرکاری ملازمین نے ذاتی رہائش گاہ کے طور پر استعمال کرنا شروع کر دیا اس حوالے سے ڈی سی غذر نے چند روز قبل نوٹس بھی لیا تھا اور ریسٹ ہاؤس کو خالی کروانے کے احکامات بھی جاری کئے تھے لیکن یہ با اثر سرکاری ملازمین ڈی سی کے احکامات کو یکثر نظر انداز کر کے ریسٹ ہاؤس پر بدستور قابض ہیں ان سرکاری افیسران جن میں ذیادہ تر پی ڈبلیو ڈی کے ملازمین ہیں نے ریسٹ ہاؤس کو دفتر کے طور پر بھی استعمال کرنا شروع کر دیا ان افیسران کی اس طرح ریسٹ ہاؤس پر ناجائز قبضے کی وجہ سے دیگر اضلاع سے آنے والے مہمان دربدر کی ٹھوکریں کھا رہے ہیں بتایا جا رہا ہے کہ ریسٹ ہاؤس میں عام افراد کی رہائش پر پابندی لگائی گئی ہے اس حوالے سے ڈی سی غذر کو ایک بار پھر نوٹس لینے کی ضرورت ہے اور ایسے تمام افیسران جو ہاؤس رینٹ ملنے کے باوجود سرکاری ریسٹ ہاؤس پر قابض ہیں ان کے کلاف کاروائی کی جائے تاکہ باہر سے آنے والے مہمانوں کی رہایشی مشکلات کم ہو سکیں۔
No comments:
Post a Comment